Maaga akong gumising ng umagang iyon. May importante kasi akong imimeet-up na bagong client na handang kumuha ng franchise sa akin. Wala sana akong balak bumangon dahil hindi mabuti ang pakiramdam ko. Ngunit malaking kawalan naman sa negosyo ko kapag hindi ko sinipot ang kameet-up ko. Kahit franchise lang kasi ang kukunin niya ay malaking bagay na iyon para sa akin. Malay ko baka may mga kaibigan siyang interesado ding kumuha ng franchise. Dagdag kita din iyon kung sakali. Tsaka ang mga ganitong kliyente ay hindi ipinagsasawalang bahala.
Mabilisan akong kumilos. Twenty minutes na pagligo. Two minutes na pagsesepilyo at fifteen minutes na pagbibihis at pag-aayos ng aking sarili. Medyo nakakaramdam pa nga ako ng pagkahilo ngunit inignora ko nalang ito. Mawawala din naman siguro ito mamaya.
