CHAPTER 24
ELENA
Nagpanggap akong nurse ni Rafael. Nagtatapang-tapangan lang ako, ngunit ang totoo durog na durog ang puso ko ng makita ko si Rafael, na hinahanap si Ate Miranda. Kahit sinusungitan niya ako hindi ako nagpapatinag. Pinatatawagan niya sa akin ang number ko na akala niya ay kay Ate Miranda. Hindi niya alam na nagpalit na ako ng number.
Nakita ko sa mukha ni Rafael ang pagkainis at pagkasabik na makausap si Ate Miranda.
"Ano ba ang ginagawa niya at nakapatay ang cellphone niya? Tawagan mo nga si Mang Jose!" masungit nyang utos sa akin. Sinubukan ko naman tawagan ang number ni Manong Jose. Ring lang ito nang ring. Nag-usap na rin kami ni Manong Jose, kung ano ang dapat niyang gawin kung tumawag si Rafael. Hindi muna pwedeng malaman ni Rafael na wala na si Ate, baka makakasa
