CHAPTER 25
ELENA
Bumalik ako sa silid ni Rafael, ngunit ganoon na lang ang gulat ko ng makita na nasa sahig na ang termos at ang lalagyanan ng kape at asukal.
"Anong nangyari rito?" nag-aalala kung tanong.
"Hindi ka naman siguro bulag para hindi mo makikita kung ano ang nangyari. Gusto ko magtimpla ng kape, pero wala naman tao rito maliban sa akin,” namimilosopo pa nitong sagot sa akin. Kung iba lang siguro ang kasama ni Rafael, baka hindi maabutan ng kinabukasan ang mag-aalaga sa kaniya.
“Eh di, sana sinabi mo na gusto mo pa lang magkape," paninisi- ko sa kaniya. Isa-isa kong pinulot ang mga bagay na nahulog sa sahig.
"Paano ko sasabihin sa'yo kung wala ka nga rito sa loob? Kanina pa ako tawag nang tawag, pero kung saang impyerno ka nagsusuot!” paninisi at bulyaw pa nito sa akin.
