DAHIL nag honeymoon sina Ryan at Jesilyn, naiwan si Sheila mag-isa sa opisina nila sa main branch ng Happy Mart Convenience Stores. Kaya kapag nag-be-break siya mula sa paperworks ay lumalabas siya sa mismong store para makipag-usap sa dalawang staff nila roon.
Hindi siya nakakatagal na mag-isa kasi kapag wala siyang kausap ay bumabalik ang isip niya sa nangyari apat na araw na ang nakararaan. Bumabalik din sa isip niya si Apolinario at ang pakiramdam ng halik at haplos nito. Naalala niya ang ekspresyon sa mukha nito nang maging isa ang mga katawan nila. At sa huli, naalala niya ang guilt at pagsisisi sa mukha nito nang magising ito pagkatapos. Ang huling imahe na iyon ang palaging nagpapasikip sa dibdib ni Sheila. Kaya humahanap siya ng makakausap para takasan ang sakit na ayaw niya mara
