BUMILIS ang t***k ng puso ni Sheila paglabas niya sa back door ng opisina nila kinagabihan. Naabutan kasi niya si Apolinario na pasandal na nakatayo sa gilid ng kotse nito at halatang naghihintay. Nakatutok ang atensiyon nito sa pinto kung saan siya lumabas kaya mabilis na nagtama ang kanilang mga paningin. Umalis ito mula sa pagkakasandal sa kotse at nagsimulang humakbang pasalubong sa kaniya.
“Bakit nandito ka?” tanong niya nang makabawi siya sa pagkagulat.
“Hindi mo sinasagot ang tawag ko kaninang lunch. Hindi ko tuloy alam kung saan kayo pupuntahan,” sagot ni Apolinario nang nakatayo na ito sa harapan niya.
Kumunot ang noo niya. “Pupuntahan mo sana kami? Pero tumanggi ka nang ayain kita ah.”
Mariing naglapat ang mga labi ng binata at inis na sinuklay ng mga daliri ang kanyang buh
