"Raven? Ano'ng problema, anak?"
Mula sa pagkakayuko sa cellphone ay nag-angat ng tingin si Raven upang makita ang ina na salubong ang mga kilay habang nakasilip mula sa pinto ng kusina. Nasa mga kamay nito ang babasaging plato at puting towel na pamunas.
Napakurap siya at hindi kaagad nakasagot sa ina. Narinig niyang nagsalita ito pero hindi niya maayos na naintindihan ang sinabi.
"Kanina pa ako may sinasabi sa'yo pero hindi ka sumasagot," sabi pa nito nang nanatili siyang walang imik. "Akala ko'y umakyat ka na, pero nang silipin kita'y saka ko nakitang nakatulala ka lang d'yan sa cellphone mo. Are you alright?"
Muli niyang niyuko ang hawak na cellphone at nang makitang walang pa ring reply sa mga text messages niya si Gazi ay napa-buntong hininga siya. "I'm alright, Mom."
"You don't
