“Alam mo bang nang dahil sa project na ginawa nating dalawa ay nabigyan ako ng mas mataas na grado? On top of that, exempted ako sa group report next week— ang mga ka-grupo ko na ang bahalang mamroblema roon dahil hindi sila tumulong sa group project na ito,” pagbibida ni Gazi nang hapong pauwi na sila.
Katulad ng nakagawian ay hinintay niya ito sa harap ng school gate upang sabay silang umuwi. Ang mga ka-eskwela ng dalaga ay nasanay nang makita siyang naroon parati, at kilala na siya bilang kasintahan nito. Oh well, kahit noong hindi pa sila ay naging bulung-bulungan na sila ng mga ito. Ang iba sa mga iyon ay kilala siya— lalo na ang mga babae. Some were attracted to him, and some were scared because of his reputation.
Pero tulad ng dati ay wala siyang pakealam sa tingin ng tao sa kan
