Nagising si Raven kinabukasan nang maramdamang tila may sumisilaw sa kaniyang mga mata. Umungol siya at itinaas ang braso sa uluhan upang takpan ang mga mata bago nagmulat. At ang una niyang nabungaran ay ang nakasisilaw na liwanang mula sa nakabukas na glass window.
"Rise and shine, anak."
"Mom, what time is it?"
"Seven in the morning," sagot ng mama niya habang patuloy sa paglihis ng makakapal na mga kurtina sa mga bintanang naka-paligid sa living area.
Bantulot siyang bumangon at inihilamos ang mga kamay sa mukha.
"Gazi left a little while ago."
Tuluyang nagising ang diwa niya nang marinig ang sinabi ng ina. Tuwid siyang naupo at nilingon ito. "Did she say anything?"
"She left you a note." Humarap ang mama niya at ini-nguso ang coffee table.
Doon sa ibabaw ng table ay may nakita
