"Call me if you need anything— kaagad akong bi-biyahe pabalik dito kung kailangan niyo ako," bilin ng ina ni Raven nang umagang iyon.
Inihatid nito ang ina hanggang sa clinic na pinapasukan nito sa bayan kung saan naghihintay ang doktorang katrabaho nito saka ang ilan pang mga medical representatives sa ospital sa bayan na iyon.
Ipinasok muna ni Raven ang maleta ng ina sa likod ng service van bago sumagot. "Mom, tatlong araw ka lang mawawala, hindi tatlong taon. Chill, okay?"
Napabuntong-hininga ang ginang sa sinabi ng anak. "I am just worried about Gazi, anak. Paano kapag dumating ang ina niya at magkagulo kapag nalamang tinutulungan natin siyang magtago? I don't want you two to get in trouble while I am away."
"We'll be fine, don't worry."
"Nakahanap ka na ba ng dormitory o apartmen
