CARMELA
“May dapat ba akong malaman?” tanong ni Oliver habang nakatingin sa akin.
Ang buong akala ko ay nasa Singapore siya pero bakit kaya nandito siya ngayon? Tanong ko sa sarili ko. Tumingin sa akin si David. Wala na ako pakialam kung isusumbong niya ako dahil wala naman akong ginagawang masama.
“Classmate ko siya,” biglang sabi ni David.
“So?” nakakunot ang noo na tanong ni Oliver sa kapatid niya.
“Babantayan ko siya,” dagdag pa nito.
“No need,” biglang sabi ni Oliver. Hindi ko inaasahan ang naging sagot niya sa kapatid niya. Ang buong akala ko ay sasabihin niya na mabuting bantayan ako. Parang balewala lang sa kanya ang sinabi ng kapatid niya.
“Magbihis ka na at may pupuntahan tayo.” utos niya sa akin.
Umakyat naman ako sa silid ko. Pero hindi ko inaasahan na susunod siya sa
