"Wala, sabi ko uwi na tayo."
"Okay."
Kinuha ni Matt ang pinamili ko at siya ang nagbitbit. Tapos hinawakan niya ulit ang kamay ko noong maglalakad na kami palabas ng bookstore. Nakakadalawang hawak na ito ah! Pagdating namin sa bahay, nagmano siya sa nanay ko at bumati sa mga kapatid ko.
"Ikaw pala si Matt. Kay gwapong bata," sabi ng nanay ko. Natawa naman si Matt.
"Nanay naman!" maktol ko.
"O? Ay di ba totoo naman na kay gwapo ng batang ito? Palagi mo nga —"
"Hala si Nanay!" Napatakip na ako ng mukha.
"O siya, hindi na. Natutuwa lang ako na sa wakas ay nakarating ka na rito sa amin. Salamat nga pala sa paghatid sa dalaga namin."
"Wala pong problema, Tita."
"Huwag ng tita, nanay na rin ang itawag mo sa akin. Ang mga kaibigan niyan, sina Jerry ay nanay r
