“Tuloy po kayo Tito Fred.” Sambit ni Noah sa Tatay ko. Hindi ko akalain na magkakilala pala sila. Hindi pa rin ako matinag sa kinatatayuan ko. May nag-uudyok sa akin na magtago pero huli na. Dahil dumako na ang tingin sa akin nilang tatlo.
“Anak, mabuti naman at nandito ka lang. Kung hindi pa namin pina-review ang CCTV sa buong subdivision. Hindi pa namin malalaman na nandito ka.” Saad niya at nilapitan ako.
“Anak niyo po siya?” Kunot noo na tanong ni Noah na ikinatango naman nito.
“Oo best, kapatid ko siya.” Wika naman ni Christine na ngayon ay nakangiti at lumapit sa akin.
“Really? Paano po nangyari yun? Ang pagkakaalam ko po ay si Cristine lang ang anak ninyo?” Nagtatakang tanong niya. Pero nasa akin ang atensyon nila.
“Anak ko siya sa ibang babae, at ngayon ay wala na siyang
