MASAYANG umuwi si Reynan sa bahay nila matapos umuwi pagkagaling sa ospital. Pagbukas niya ng gate ay narinig kaagad niya ang tunog ng tumatalbog na bola sa halfcourt na nasa loob ng kanilang bakuran. Bukas na ang ilaw roon dahil dumidilim na rin. Nakita niya ang kanyang kapatid na nakahubad ng damit habang naglalaro mag-isa.
Hindi na sana niya pupuntahan ang kapatid pero dahil masaya siya, gusto niyang ipaalam sa kanyang kapatid na panalo sila.
"Rommel!" Tawag ni Reynan sa kapatid. Doon ay napahinto naman si Rommel sa pagpapatalbog ng bola.
Ni isang salita ay walang lumabas mula sa bibig ng nakababatang kapatid ni Reynan. Seryoso pa rin ito na nakatalikod. Alam na ni Rommel ang sasabihin ng kuya niya.
"Panalo kami! Masaya palang manalo..." Nakangiting winika ni Reynan. Alam niya na ta
