ابواب الشر _ الفصل الثاني

3616 Words

الجزء الثالث انتو عارفين بقا احنا وقفنا فين المره اللي فاتت مش هنضيع وقت وندخل ف الاحداث علي طول الساعه 4 am كنت نايم عادي جدا بس صحيت علي احساس ان حد بينفخ في وشي ولسه بفتح عيني لاقيت وش (الفازع) لازق في وشي وبيقولي الفازع: التحدي بدأ يا زين.... اتخضيت اووي ولسه بتقلب ع جنبي اليمين عشان اقوم فجأه ملاقتش نفسي علي السرير اللي كنت نايم عليه اناا فجأه بقيت نايم علي ارض في مكان ضلمه جدا مش شايف اي حاجه وخصوصا كمان اني كنت لسه صاحي حالا فا حاولت اركز شويه اناا فين لاقيت الارض تحتي فيها زي نجيله كده والاضاءه في المكان ضعيفه جدا لانها معتمده علي نور القمر وبعد لحظات كانت السحابه اللي مغطيه القمر عدت و عرفت اناا فين اناا كنت في غابه قومت وقفت ومستني اشوف ايه اللي هيحصل و هموت من الخوف و التوتر وقلبي كان هيقف بعدين سمعت اصوات غريبه جايه من كل مكان و كان في من بعيد حد لابس اسود من راسه لحد رجله مش باين من جسمه اي حاجه و اول ما حس اني خدت بالي منه بدأ يجري ناحيتي اناا افتكرت الكلام اللي قاله الفازع ( التحديات مش هتبقا لعب عيال زي ما انت فاكر كده التحديات اللي جايه الغلطه فيها هيبقا قصادها حياتك ) جريت اناا كمان بأسرع ما عندي وفضلت اجري و اتكعبل و اقع واقوم تاني اكمل جري و حاسس ان الطريق ملوش اخر و كنت بدأت اتعب من الجري بعدين شوفت سور علي مرمي بصري كده و كانت المسافه بيني و بينه مش بعيده فا بصيت ورايا بصه سريعه لاقيت اللي كان بيجري وراياا قرب مني اووي و كان فاضله مسافه بسيطه و يمسكني قلت اناا كده خلاص شكرا هموت لكن طبعا الخوف الزياده بيخلي مستوي الادرينالين يعلي في الجسم وبقيت بجري واناا حاسس ان حياتي فعلا متوقفه علي كده مع اني مفكرتش ايه اللي ممكن يحصل بعد ما اعدي السور لانه كان مش عالي اوي كان يوصل مثلا لحد بطني كده او بعد بطني بشويه لكن بردو مكانش ينفع اوقف جري و اول ما وصلت عند السور قمت نطيت من فوق السور واناا هموت من الخوف وفجأه بعد ما نطيت ملاقتش تحتي ارض اناا نطيت ف حفره كبيره اوووووي ملهاش اخر كأن الغابه مفيش بعدها حاجه تاني و فضلت طبعا اصوت من الخوف و ازعق لحد ما لاقيت نفسي وقعت ف بحر فضلت اعوم لحد ما وصلت سطح البحر لكن اناا بردو مش شايفله اخر كأني ف وسط محيط واسع وعمال ابص يمين و شمال من الخوف ياتري ايه اللي هيحصل تاني لكني فجأه لاقيت في صوت حد بيقول مين اللي هناك بصيت وراياا لاقيت نفسي بقيت في حمام سباحه ف بيت حد و الشمس طالعه عادي جدا لكن المشكله مكانتش في كل الكلام ده المشكله ان الشخص اللي بينادي عليا ده كان مستر كريم مديري في الشغل اناا كنت في حمام السباحه اللي في بيته وهو كان باين عليه رايح الشركه ساعدني اني اخرج ومدلي ايده و طبعا هو عمال يتكلم واناا مش سامع اي حاجه بسبب اللي انا فيه ودخلني بيته كان عباره عن ڤيلا واسعه من دورين و كان بينادي علي حد لكن اناا فعلا مش سامع اي حاجه حاسس اني فقدت السمع لفتره قصيره وبعدين بدأت ارجع اسمع تاني تدريجيا كان بينادي علي واحده اسمهاا دينا ( دينا مرات كريم : يعني عندهاا حوالي 26 او 28 كده مثلا بشرتها قمحاويه لكن عينها عسلي فاتح وطولهاا حوالي 169 او 170 في الحدود دي كده و عندهاا غمازه ) هتسألني اناا عرفت كل ده ازاي في وسط اللي انا فيه ده هقولك اناا شوفتهاا اماا قربت مني عادي ياعم مشي حالك..... نزلت دينا من الدور اللي فوق و جايه بتجري بسبب الصوت دينا : في ايه يا كريم ايه اللي حصل.... ايه ده مين ده وايه اللي حصله كريم : هنفهم كل حاجه بعدين روحي بس هاتي اي حاجه ننشفه بيها و هاتيله اي هدوم من عندي و خلي الشغاله تعمله حاجه سخنه يشربهاا راحت دينا بسرعه تجيب الهدوم واناا قاعد بترعش من تأثير اللي حصلي و كميه الادرينالين اللي كانت في جسمي بسبب الرعب اللي كنت فيه و حاسس ان دماغي بتوجعني جدا لسه هقوم و بقول لكريم اناا اسف جدا علي اللي اتسببتلك فيه اناا لازم امشي ومشيت خطوتين بالظبط و قعت علي الارض واغمي علياا فجأه لاقيت نفسي واقف ف مكان غريب و الفازع واقف قدامي الفازع : ايه ده يا زيزو انت طلعت علي قدك جدا احنا اتوقعنا انك علي الاقل التحدي الاول هتسد فيه لكن انت كنت هتموت فيها بس هقول ايه يعني ما انت بني ادم بردو انا : اه ما انت بتستغل اني مقدرش اعملك حاجه فا بشلك معايا صح حقك ياعم بس تعالي اناا كده اخ*فك من سريرك في عز النوم و اخدك ارميك ف مكان ابن وسخه انت متعرفش هو ايه اصلا و اطلع ميتين **مك وشوف هتسد ف الكلام ده ولاه لا ....وبعدين استني هو ايه اللي حصل مش اناا كنت في بيت كريم الفازع : ما انت لسه في بيت كريم بس انت اغمي عليك واناا دلوقتي جوه راسك يعني تقدر تقول كده انك بتحلم مثلا انا : احااايييه طب اناا هخرج من المصيبه دي ازاي ما اناا اكيد هصحي تاني و كريم هيسالني وكمان ممكن يشك فيا اني كنت داخل اسرق البيت مثلا الفازع : دي مشكلتك تخرج منها متخرجش منها براحتك انا : ايي اناا كده هتمرمط ده ايه المصيبه اللي اتحطيت فيها دي بس... طيب لحظه واحده كده انت قلت ان التحدي مش هيبقا حاجه بسيطه واكيد انت مش جايبني هنا عشان تخليه يشوفني بس و يشك فيا مثلا اني كنت جي اسرق بيته صح الفازع : انت كده بدأت تفهم بص بقا اناا جيبتك هنا عشان مديرك كريم ده وصل لكل اللي هو فيه ده في وقت قليل جدا انت دورك انك تكتشف سره بأي طريقه انت عايزها انا:طيب ماشي وبعد ما اكتشف سره بردو ايه اللي هيحصل الفازع لا بسيطه جدا هتدمر حياته و تذله انا : ايييه لا طبعا احنا متفقناش علي كده ادمر حياته ليه و هو معمليش حاجه اصلا الفازع: احنا متفقناش غير علي اننا نقول وانت تنفذ وبعدين انت لو عرفت حقيقته مش هيصعب عليك اوي كده فضلت افكر شويه كده طب لو هو مطلعش وراه سر ولاه حاجه ممكن يكون الكلام ده الفازع بيقوله عشان يلبسني بس هو هيستفاد ايه يعني مش من مصلحته اني اخسر في اول تحدي لان المفروض ان اناا وسيله التسليه لو خسرت هنتخزوق كلنا بس بردو هعرف سره ازاي اناا مش ساحر المفروض ده اول تحدي يا ولاد الرخمة يعني يبقا سهل الفازع : يلاا يا زيزو عشان انت دلوقتي هتصحي انا : لا استني وحياه امك ياكابتن فجأه لاقيت نفسي بفتح عيني وكنت قاعد علي كرسي ومتكتف في اوضه لوحدي بس سامع صوت جي من بره كان صوت كريم بيكلم دينا مراته بيقولها كريم :مخلتنيش اموته ليه و كنت هقول انه اتهجم علي البيت و هيبقا دفاع عن النفس دينا : انت خلاص اتجننت اسيبك تموته هو الموت بقا سهل بالنسبالك كده اي وقت تموت و اي وقت تعمل اي حاجه عشان بس توصل للي انت عايزه كريم : قام مسكها من شعرهاا و قالهاا انتي نسيتي نفسك ولاه ايه انتي هنا حته خدامه زيك زي الخدامين اللي شغالين عنا بالظبط ولو اتدخلتي في اي حاجه اناا بعملهاا تاني انتي كمان هتموتي اناا : ايييه يابن التيييت يا كريم انت يطلع منك كل ده واناا اللي كنت بقول عليك طيب الفازع : انت متعرفش عنه حاجه يا زيزو لسه اماا تعرف ابقي شوف هتفضل فاكر انه طيب و لاه هتغير رأيك بصراحه اناا طلعت مغفل اوووي فعلا الحل الوحيد دلوقتي اني افضل مستني و اشوف هيعمل ايه ابن المتخلفه ده عملت نفسي لسه فايق حالا كريم : اهلا يا زين اخيرا صحيت انا : انا فين.... ايه ده انت ليه رابطني في الكرسي كده كريم : بسيطه خالص عشان انت مش هتخرج من هنا لحد ما اعرف انت كنت جاي عندي البيت تعمل ايه انا : ولو معرفتش؟؟ كريم : لا بسيطه جدا هموتك ومش هاخد فيك ربع ساعه سجن حتي.... انت واحد كان جي يتهجم علي البيت عشان ي**قه و صاحب البيت قتله دفاع عن النفس انا : ربع ساعه ايه انت كمان انت هتقتل سحليه اناا مكنتش جي اسرق و لاه اعمل اي حاجه تضرك كريم : مين اللي باعتك و كنت عايز توصل لايه بالظبط انا : محدش بعتني صدقني انت فاهم غلط كريم : انت بتصعبها عليا و علي نفسك وقام واكلني بو** في وشي انا: صدقني اناا مكنتش جاي اضرك في حاجه اناا بس يعني اناا كنت بس ( طبعا اناا عقلي و قف عن التفكير و مش عارف اهبد اي كلمتين يخرجوني من الموقف ده ) كريم قام مطلع مسدس وحطه علي دماغي وقالي كريم : اخر فرصه ليك يا زين هتتكلم ولاه تموت اناا اصلا شاكك فيك من اول يوم جيتلي فيه الشركه وحاسس ان فيك حاجه مش مظبوطه وفجأه دينا مرات كريم جت تنادي عليه عشان جاله مكالمه مهمه فا خرج كريم و قالها اوعي تخليه يتحرك لحد ما اجي وبعد ما خرج سمعت صوته بيقول كريم : بتقول ايه.... الشركه بتولع!!!!! وخرج يجري علي بره و ركب العربيه و مشي دينا : يلا بسرعه مفيش وقت لازم اساعدك تخرج من هنا انا : ازاي مش انتي المفروض مراته و معاه هو بتساعديني ليه دينا : عشان زهقت منه ومن ق*فه ومن العيشه اللي اناا فيها دي انا : طيب وايه اللي مخليكي مستحملاه ما تتطلقي منه دينا : مفيش وقت يا زين لازم تهرب دلوقتي كانت فكتني و خرجت وراهاا جري فتحتلي الباب واما وصلت عنده و خلاص هخرج مسكتني و قالتلي دينا : اناا عايزاك تسجل رقمي او تديني رقمك عشان اعرف اوصلك بعدين انا : مش معاياا الموبايل انتي سجلي رقمي عندك دينا : تمام... طيب خد دول عشان تعرف تروح بيهم انا : بصتلها بصه اخيره واناا خلاص ماشي و شوفت في عينها كميه قهره وذل خلتني قررت اني كريم ده هخليه يلحس جزمتي بس الصبر بس روحت البيت ولسه بقفل الباب ورايا لاقيت الفازع بيقولي الفازع : اي خدمه يا زيزو.... بس ايه رأيك ف الحركه انا: حركه ايه؟؟ بس اما سرحت شويه كده لاقيت ان الفتره اللي صحيت فيها ولاقيت نفسي مربوط في الكرسي كان الفازع موجود وبعدين اختفي اول ما كريم دخل و ض*بني و كان هيموتني و المكالمه جاتله و اول ما مشي الفازع ظهر في الاوضه تاني انا : يابن اللاعيبه . . . . انت اللي كلمته و قلتله ان الشركه بتولع صح بس ليه عملت كده انا افتكرت انك مش هتساعدني خالص لحد ما فقدت الامل فيك الفازع : انا ساعدتك بس عشان مكانش ينفع اسيبك تموت دلوقتي انا : اسياد غدارين انتو بردو واناا اللي فاكر انك حبتني عشان اناا عيل فورمه و امور سمعت صوت الموبايل بيرن روحت اشوف مين كان رقم من غير اسم رديت انا : الو دينا : زين اناا دينا... كريم رجع البيت دلوقتي متعصب جدا بسبب انه راح ومكانش في حريق ولاه اي حاجه و اتعصب اكتر اماا عرف انك هربت نصيحه مني متروحش الشغل بكره و كلم اي حد من زمايلك متخليهوش يقول لكريم علي عنوانك فاهم انا : طب تمام اهم حاجه انتي خلي بالك من نفس دينا : طب اناا عايزه اشوفك ضروري بس النهارده مينفعش ممكن بكره بس اوعي انت تكلمني تمام اناا اللي هكلمك انا : طب تمام هستناكي وقفلت معاها واناا بفكر ايه اللي هيحصل ايييه يا كريم يابن التيييت انت حكايتك ايه بالظبط و بصيت ف الموبايل لاقيت اكتر من 10 رنات من ملك و حوالي زيهم من حسين فا رنيت علي حسين بسرعه و قلتله انا : الو... حسين بقولك ايه اسمعني بس يلا مجيتش ليه بلا زفت اناا مش جي الشغل بكره ولو كريم سألك علي عنواني حاول تتهرب منه بس لو اتزنقت اوي قوله علي عنواني عادي عشان متخسرش شغلك او يإذيك حسين : في ايه طيب فهمني انت كويس و كريم ماله ومالك اصلا انا : ياعم هتفهم بعدين اعمل زي ما بقولك سلام وقفلت معاه و طبعا فكرت اني لازم اسيب البيت يومين كده لحد ما اشوف هتصرف ازاي وكان مستحيل اني اروح عند حد من اخواتي عشان الاسئله الكتير و كمان مش عايز ادخلهم في حواراتي والاحسن اني لازم اقعد عند حد محدش يتوقع اني عنده و وسط التفكير ده كله لاقيت ملك بتكلمني انا : الو ملك : ايه يابني مالك مجتش ليه النهارده انا : لا مفيش حصل حوار بس عندي في البيت كده في المواسير بتاعه المايه و التصليحات هتطول ومينفعش اقعد هنا ينفع اجي ابات عندك ( بصراحه كنت بقولهاا بهزار) ملك : لا عندي اناا مينفعش بس اعرف اجيبلك مكان تقعد فيه الكام يوم دول انا : بجد انتي بت جدعه نييك ملك : هههههه طب هتدفع كام في اليوم انا : اييييه ينعل الصحوبيه والله ملك : ههههه ياعم بهزر هبعتلك اللوكيشن علي الواتس ابقي كلمني اما توصل انزل اقابلك قفلت معاهاا وقمت لميت هدومي و حاجتي ونزلت ركبت وروحتلها قابلتني و كان بيتهم في منطقه كويسه و هاديه و كان عباره عن اربع ادوار هي عايشه فيه هي و امها لوحدهم بعد ما ابوها مات و معندهاش اخوات فتحتلي شقه في الدور التاني وقالتلي ملك : الشقه دي كنا بنأجرها ساعات ادخل ريح شويه بقا وهبقا انزلك الاكل اماا تصحي انا : انا مش عارف اقولك ايه بجد انتي جدعه اوووي ملك : عيب عليك اللي انت بتقوله ده انا : طيب معلش سيبيني انام براحتي ومتنزليش اكل ولاه حاجه لاني تعبان اوووي ملك: طب تمام همشي انا بقا مشيت ملك واناا اترميت علي السرير كانت الساعه حوالي 8 pm نمت مقتول فعلا صحيت ع صوت الباب بيخبط و قمت فتحت الباب لاقيتها ملك ملك : ايه يابني مش رايح الشغل انا : لا مش رايح هو انا يا بنتي مش قلتلك سيبيني انام براحتي ملك : انا افتكرتك بتقول كده علي حوار الاكل بس مش الشغل خلاص براحتك متجيش انا : طب بقولك ايه لو المدير سألك عليا ده لو يعني ابقي قوليله معرفش عنه حاجه و احنا مش صحاب وكده تمام ملك : طب تمام مشيت ملك واناا دخلت اكمل نوم وبعدها بكام ساعه كده صحيت تاني علي صوت الموبايل كانت دينا ...مش هنعرف ننام في ام اليوم ده اناا عارف انا : الو دينا : بقولك ايه النهارده لازم نتقابل ضروري انا : طب تمام امتي دينا : الساعه 8 كده انا : طب وكريم هتعرفي تتصرفي و تخلعي منه من غير ما يشك دينا : ايوه هتصرف متقلقش يلا سلام دلوقتي بس ايي 8 ده لسه بدري اوووي ده دلوقتي الساعه 4 قمت خدت دش و خرجت قعدت احرق في شاي و سجاير و لحد ما لاقيت حد بيخبط علي الباب كانت ملك ملك : ايه يازيزو عامل ايه انا : تمام انتي عملتي ايه ف الشغل وكريم سال عليا ولاه لا ملك : لا مسألنيش بس هو طلب حسين يروحله مكتبه و اتأخر عنده شويه وبعدين جه انا : اه تمام ملك : اه صح و في واحده جديده جت تشتغل معاناا النهارده انا : طب كويس بقولك ايه معلش بس اناا لازم اقوم البس دلوقتي لاني شويه كده ونازل عندي مشوار مهم ملك : طب ياعم تمام اناا طالعه قمت لبست و نزلت رنيت علي دينا دينا : ايه يا زيزو انت فين انا: لا قولي انتي اجيلك فين واناا هجيلك دينا: يابني اناا معاياا عربيه خلص انا: لا معلش قولي انتي ( مرديتش اقولهاا اناا فين عشان مهما كانت صعبانه عليا بردو لازم ابقي حريص ) روحتلها ف المكان اللي قالت عليه كانت مستنيه ف العريبه روحت ركبت معاها دينا : تعالي نروح مكان كده اعرفه هادي عشان نتكلم فيه انا : لا لا هنروح مكان تاني اناا اعرفه مش هادي و هنتكلم فيه بردو وكل حاجه يلاا وصفتلها المكان وكان night club لاني فكرت ان لو في حد مراقبها مثلا المكان هيبقا في ناس و هعرف اسلك و اهرب من كريم فا دخلنا وقعدنا علي طرابيزه بس هي اللي طلبت بصراحه لاني مبشربش فا هي فضلت تشرب و بعدين لاقيتها بتعيط وبدأت تحكي دينا : عارف يا زين اناا استحملت حاجات محدش يقدر يستحملها اناا كنت بتعامل معامله الكلاب ومكنتش اقدر ارفضله طلب و بردو مكانش بيتمر فيه استحملت فقر و كل وض*ب كل حاجه تتخيلها منه و هو عامل زي الحيوان كل اللي يهمه انه يوصل للي هو عايزه بأي طريقه حتي لو.... معلش اناا تقلت ف الشرب اناا لازم امشي انا : طب استني يابنتي تفوقي شويه عشان تعرفي تروحي اناا كان نفسي اقولك اجي اوصلك بس مش هعرف دينا بصتلي بنظره كلها حزن وقالتلي متخافش بايت عند مراته التانيه النهارده انا : طب تمام استني هاجي اوصلك روحت معاهاا وبعدين نزلتها من العربيه و سندتها لحد باب الڤيلا و فتحته ودخلتهاا و قلتلهاا اني همشي ولسه همشي فعلا مسكتني و قالتلي خليك معاياا متسيبنيش دخلت وقعدت علي الكنبه اللي في صاله الڤيلا و هي جت قعدت جمبي دينا : عارف يازين اناا اعرف عن كريم ده اسراره كلهاا و اعرف حاجات تخليه يبقا شحات علي الارصفه ده لو قدر يهرب من الناس اللي بكرهه انا : ليه يعني انتي تعرفي عنه ايه بالظبط؟ لاقيت دينا قربت مني اووي وانا رجعت بضهري و بصتلي ف عيني و كان ما كان وقالتلي دينا : هتصدقني لو قلتلك انت اول واحد اسلمله نفسي بمزاجي و واناا راضيه و مبسوطه و كمان انت الوحيد اللي عاملتني كا بني ادمه مش حيوانه و كنت حاسه بحب منك حتي لو مكانش حب بالمعني الحقيقي انا : وهو انتي سلمتي نفسك لحد تاني غير كريم قبلي اناا يعني دينا : بدأت تعيط... كريم كان بيستخدمني في اعماله الوسخه عشان يوصل للي هو عاوزه اول حاجه عملها ضحك علي مدير الشركه اللي كان قبله في الشركه بتاعتكو خلاه ينام معاياا وصوره و ابتزه بالفيديوهات و خد منه كل فلوسه و خد مكانه ف الشركه و غيره ناس تانيه كتير وبكل الاساليب اللي تخطر علي بالك ...... اناا اناا مش قادره اتكلم اناا بجد تعبت بقا ومش قادره استحمل بص الفلاشه دي فيهاا كل الحاجات اللي تودي كريم ف داهيه اناا كنت شايلاها عشان اديهالك لان كريم مش هيسيبك في حالك غير اماا يموتك بعد ما هربت هو كده اتأكدله فعلا ان حد كان بعتك انت لازم تختفي فتره كبيره انا : اختفي...بالع** ده احسن وقت اظهر فيه بس هحتاجك معاياا وهبقا اكلمك اقولك هنعمل ايه بالظبط ولبست هدومي و مشيت و اناا بفكر هعمل ايه بالفلاشه دي وايه اللي فيها اصلا واول ما وصلت البيت خدت اللاب بتاع ملك و ركبت فيه الفلاشه واتصدمت من اللي شوفته كميه فيديوهات لكذا حد مع مرات كريم و تسجيلات صوت لصفقات م**رات و سلاح ولاقيت حاجه بنت وسخه اكتر من كده دول عاملين عصابه بتخ*ف البنات و تبيعم ( حاجه شبه تجاره العبيد كده ) طلع ابن التيييت اي حاجه زباله شغال فيها مبيعتمدش اتصلت بدينا و قلتلهاا علي اللي هنعمله بالظبط و نمت شويه عشان بكره محتاج مجهود كبير وبعدين كنت قاصد اصحي بدري و نزلت روحت عند ڤيلا كريم اللي كان رابطني فيها بعد ما اتأكدت من دينا انه موجود بس روحت من الباب اللي ورا لان هو جاب حراسه كتير اوووي ومصدق فعلا اني مسنود من حد تقيل وده جه في مصلحتي و دخلت لحد ما وصلت لسرير كريم و اول ما صحي قمت واكله بو** ابن تيييت لاني كنت مغلول منه وقع علي الارض قمت ماسك دماغه خبطتها في الحيطه بغباء اغمي عليه قمت ربطته و شيلته و قلت لدينا تلم حاجتها و تختفي من البيت و مترجعش غير اما اكلمها و خدت منها مفتاح عربيتها و مفتاح الشركه خدت كريم و طلعت علي هناك كريم اول ما فاق مكانش فاهم حاجه انا : ايه يا كوكو فوق معاياا كده كريم : انت مش عارف انت بتلعب مع مين انت اعتبر نفسك ميت انا : ما خلاص يا حبيبي لعبت و **بت خلاص حتي شوف دول كده ( الحاجه اللي كانت علي الفلاشه ) كريم : ( بإرتباك و خوف ) ايه ده انت جيبت الحاجات دي منين انا : مش مهم اناا جيبتهم منين المهم اناا هعمل بيهم ايه لو انت مسمعتش الكلام و نفذته بالحرف... فكيته و مديتله ايدي بورقه و قلم و قلتله يمضي قام مسك فيا و حاول يض*بني قمت نزلت فيه ض*ب بغباء لاني كنت مغلول منه و من كتر الخنقه كان هيموت في ايدي انا: امضي احسنلك مضي علي الورقه و اناا قلتله انت دلوقتي فعلا شخص ميت بس متخافش مش اناا اللي هموتك اناا مش وسخ زيك اناا هبعتك لحبايبك في مكان انت دخلتهم فيه بسبب وساختك و نجاستك يابن الزانيه وهناك هما يتصرفو معاك و ربطته تاني و خرجت من الشركه و كان البوليس جه فلاش باك ( كلامي مع دينا في الموبايل ) انا : الو بقولك ايه اناا شوفت الحاجه اللي علي الفلاشه انتي بكره اول ما ارن عليكي تفتحي الباب الخلفي بتاع الڤيلا مشهد اخر( بعد ما دخلت الڤيلا و ربطت كريم ) انا : عايز منك مفتاح العربيه و الشركه واناا هاخده علي المكان اللي اتفقنا عليه و انتي بعد ما انزل بنص ساعه كده تروحي تبلغي البوليس و تديهم الحاجه اللي في الفلاشه قابلت دينا بعد ما الحوار خلص و اديتها الورقه دينا : ايه دي انا : حقك... كريم اتنازل عن الشركه لحسابك دينا : (بتعيط) وحضنتني و بتقولي انت بجد اطيب شخص شوفته في حياتي انا : مش طيب اوي زي ما انتي فاكره اولاً اناا سجنت جوزك و وديته في داهيه و ثانيا اناا معملتش كده من غير مقابل اناا عندي شرط.... الشركه هتفضل شغاله عشان الناس اللي فيهاا دي ملهاش ذنب دينا : ربنا يخدة متقولش عليه جوزي ده الكلب اشرف و احسن و انضف منه و اناا موافقه طبعا علي الشرط ده بس اناا مش هعرف ادير الشركه لوحدي ما تشاركني و تمسك انت الاداره انا: مش عارف يا دينا ده حقك انتي عن كل اللي استحملتيه مع كريم محدش ليه حق انه يشاركك فيه بس هفكر في حل كده و ابقي اقولك سيبتها وروحت بيتي اناا و دخلت ولسه بقفل الباب و بلف وشي لاقيت نفسي في الصحرا اللي فيها الابواب و المتعاقد و اقف المتعاقد: اهلا يا زين ....... شكرا لكل الناس اللي كتبت تعليقات لانها بتديني دافع كبير جدا للكتابه وتقديرا ليكو اناا بحاول اخرج اقصي حاجه عندي و اللي جي اجمد لسه ❤ # # # # # # # # # # # # # # # # # # # # # # # # # # # # # # # # # # # # # # # # # # # # # # # # # # # # # #

Free reading for new users

Scan code to download app

App Store Google Play

Facebookexpand_more