"SO, this is where you live?" Tumango si Francez sa tanong ni Tom.
Alam niyang simple lang ang bahay nila kompara sa naglalakihang mansion ng mga ito. Marahil ay nagtataka ang mga ito kung bakit hindi siya mayaman to think na nag-aaral siya sa prestihiyosong unibersidad na pinapasukan ng mga katulad ng mga itong mayayaman. Takang-taka marahil ang mga ito kaya ganun na lamang makareact at makasilip ang mga ito sa bintana ng sasakyan. Marahil ay kubo lang ang bahay nila kung ikukumpara sa bahay ng mga ito. Dalawang palapag iyon at napipinturahan ng puti.
Lumabas na siya matapos magpasalamat sa mga ito. Akala niya ay aalis na ang mga ito ngunit ganon na lamang ang gulat niya nang sunod ding lumabas ang mga ito sa kanya. Tahimik na pinagmasdan ng lima ang bahay nila na tila ba pinag-aaralan
