"HELLO, nasaan kayo?" agad na tanong ni Francez kay Prince at hindi na hinintay ang pagsagot nito ng 'hello' nang tawagan niya ito sa cellphone nito.
"Nandito sa old gym. Why?" nagtatakang tanong nito.
"Pupunta ako r'yan. May ibibigay ako." Pinatay na niya ang tawag. Bitbit ang pagkalaki-laking lunchbox ay tinungo niya ang kinaroroonan ng old gym. Nasa dulo iyon at sulok ng school nila kaya mahaba-haba rin ang lalakarin niya.
Makalipas ang mahaba-habang nilakbay niya ay narating din niya ang pakay na lugar. Pero infairness, napagod siya r'on. Ang layo kaya at idagdag pa ang pagkabigat-bigat niyang dala. Pinabibigay kasi iyon ng mama niya.
"Asar talaga. Ginawa pa talaga akong alalay at utusan. Ano ako? Taga-dala at bigay ng pagkain ng mga pesteng lalaking ito. Aba, sinuswerte sila!" She
