Wala nang nagawa at naging reklamo pa si Dameil sa mga sinabi ni Grezia sa kanya, tumango na lang siya dito bilang pagsang-ayon na lang niya sa kagustuhan na kanyang iminungkahi nitong mangyari kanina. Magkasama nilang iginala ang kanilang mga mata sa maliit na silid na iyon, mayroong iisang kama lang doon na halatang bagong palit ng sapin pati ang mga punda ng unan. May dalawang unan at isang puting comforter. At dahil maliit ang tahanan nila ay maliit din ang silid ng sinasabing isang anak ng mag-asawa. Babae iyon, at ang siyang patunay nito ay ang mga nakangiting picture ng babae na nakasabit sa dingding ng nasabing silid. Mga larawan na kasama ang kanyang mga magulang, mga kaklase at mga kaibigan. May ilang larawan din doon ng pamamasyal nito sa iba’t-ibang lugar sa Maynila, mga lugar
