Halos mahulog sa lupa ang panga ni Dameil nang marinig niya ang huling sinabi nito. Kung tutuusin ay wala siyang kasalanan sa nangyari, inihatid na nga niya doon ng safe ang dalaga kung kaya naman marapat lang na magpasalamat ito sa kanya. Ngunit iba ang kanyang nakuha na kapalit noon, sa halip na ikatuwa niya ito ay ikinainis niya pa. Bahagyang umigting ang kanyang panga, pilit na kinakalma at pinipigilan ang kanyang sarili na patulan na ang babae sa mga pinagsasabi nito sa kanya ngayon. Tila ba nasa kanya pa ang sisi kung bakit siya naiwan ng bangka na siya naman ang may mali dito.
“Kasalanan mo ang lahat ng ito, nananadya ka!” akusa pa sa kanya ni Grezia na siya ng pumutol sa napakahabang pisi ng pasensiya ni Dameil na kanina niya pa pinipigilan dito.
“Bakit ko kasalanan? Sinabi
