Tahimik na sumabay ang dalawa sa hapunan ng mag-asawa, panaka-naka ang sulyap nila sa bawat isa na tila nakikiramdam sila sa mga nangyayari sa kanilang paligid. Panay lang ang ngiti sa kanilang dalawa ng mag-asawa na sweet na sweet sa bawat isa kahit na sila ay matanda na. Bagay na nagbibigay ng kakaibang pagkakailang pa kay Dameil at Grezia. Hindi nila tuloy halos malunok ang kanilang nginunguyang pagkain hangga’t hindi iyon durog na durog sa kanilang bibig. Namilog pa ang mga mata ng dalawa at sabay na lunok ng kanilang sariling laway nang biglang maghalikan ang dalawa sa labi at sa harapan nila. Ilang saglit pa ay naging malikot na ang kanilang mga mata, at kulang na lang ay umubo. Bahagyang hinaplos ni Dameil ang kanyang leeg, napakurap-kurap naman at kaagad na napatingin sa kawalan an
