Sinundan na ng tingin ni Dameil si Grezia at ang kanyang Lolo na patungo na sa labas ng tahanang iyon. Pagak siyang natawa sa kanyang sarili nang makaramdam ng disgusto. Disgusto dahil umaasa siyang sasamahan siya doon ni Grezia na kagaya ng usapan nila kanina, ngunit biglang nag-aya ang kanyang Lolo na samahan siya nito. Naiiling niyang malakas na tinadtad ng hawak na kutsilyo ang katawan ng pusit na nasa tadtaran at maayos niyang hinihiwa upang i-adobo iyon kanina. Doon niya ibinuhos ang kaunting pagkadismaya sa kanyang nalaman ngayon. Ayaw naman niyang sabihin sa matanda na isasama niya si Grezia at paniguradong magkakaroon siya ng interview dito kung bakit gagawin niya ang baga na iyon. At ang malala pa ay baka hindi siya nito paniwalaan sa dahilan na kanyang sasabihin sa matanda ngayo
