Tahimik lang si Grezia habang kumakain sila ng hapunan, walang imik na lumilibot lang ang kanyang mga mata sa kanila na may topic na hindi niya maintindihan at hindi niya masabayan sa pagitan ng kanilang pagkain. Tipid lamang na mga ngiti ang kanyang ibinibigay sa kanila tuwing magagawi ang tingin sa kanya ni Dameil at ng kanyang Lolo. Panaka-naka ang sulyap ni Grezia sa kanilang dalawa, nasa kandungan niya ang supot ng kamote na ibinigay ni Dameil sa kanya kanina. Hindi niya magawang bitawan iyon at baka may kung ano na naman siyang marinig na mga salita sa binatang halatang iritable sa kanyang naging gawi kanina kahit na hindi naman niya iyon sinasadyang mangyari. Marahan ang kanyang pagnguya sa mga munti niyang pagsubo ng pagkain sa harap nila. Hindi niya tuloy ma-enjoy ang linamnam ng
