Labis nang hinihingal ang dalawa nang sapitin na nila ang pinakatuktok ng lugar na iyon. Ngunit hindi niya alintanang dalawa ang pagod, dahil sa napakagandang tanawin. Iyon ang kapalit ng pagod na kanilang nararamdaman, ng mga butil ng pawis na naglaglagan. Mababakas sa kanilang mga mata ang labis na galak, samahan pa nang malamig na ihip ng hangin na derektang nanggagaling sa napakalawak na karagatan na nasa harap nila. Asul na asul ang malawak na dagat na panaka-naka ang pamumuti nang dahil sa gulong ng maliliit na mga alon. Lalo pang lumawak ang ngiti ni Grezia, hindi naman matanggal ni Dameil ang kanyang paninitig sa mukha ng dalagang hangang-hanga sa mga nakita niya.
“Ang ganda dito.” mahinang usal ni Grezia sa kanyang sarili na bahagyang humakbang pa paikot sa lugar na iyon, pata
