Nagpatuloy ang usapan nilang dalawa habang patuloy na kumakain si Grezia, hindi na niya napapansin na napaparami na ang pagkain niya nang dahil sa usapan nilang iyon. Hindi niya na maiwasang maging palagay pa ang kanyang loob sa matandang lalake. Bukod sa magaan ang loob niya dito ay tiwalang-tiwala rin siya sa matandang kaharap.
“Ibig mong sabihin ay pupuntahan mo ang iyong kasintahan sa Mindoro nang dahil sa inyong anibersaryo sa araw na ito?” tanong ng matanda sa kanya nang sabihin niya na patungo siya doon nang dahil dito, hindi na niya binanggit ang kanyang ibang plano. Ayaw niya namang mahusgahan nito nang dahil lang sa plano niya ditong proposal. Pinili na lang niyang sarilinin ang bagay na iyon, hindi niya na kailangan pang ipangalandakan.
“Opo, kaso hindi ako hinayaan ng T
