“Gusto mo ba si Cielo?”
Napaangat ang tingin ko kay Ace nang bigla niyang itanong ‘yon. Natigil din ako sa pagkain ng french fries at sundae.
“Anong klaseng tanong ‘yan?” nagtatakang tanong ko naman pabalik.
“Sagutin mo na lang.”
Saglit akong napaisip. “Cielo? ‘Yong kuya ni Nathalia?” naiusal ko. “Hindi. Hindi ko naman ‘yon kilala at ilang beses ko lang ding nakausap.”
Tiningnan niya ako na parang hindi naniniwala. “So, bakit lagi mong tinitingnan ‘yong ID niya? Pati ‘yong itim na suit? Sa kaniya ba ‘yon?” usisa niya pa sabay turo sa ID lace na suot ko ngayon.
Simula na ang klase kaya balik na kami rito sa campus. Ganap na rin kaming third year college student. Medyo nakakakaba pero nakakahinga na rin nang maluwag dahil sa wakas, isang taon na naman ang nairaos ko sa college at
