Audrey
PAKIRAMDAM ko ay sulit na sulit ang tanghalian ko bukod sa masarap na kasama ko pa si KJ. Kinikilig ako kasi napaka-gentleman niya. Hindi pa rin siya nagbabago siya pa rin ang KJ na nakilala ko noon, palakaibigan at maalalahanin. Muling nabuhay ang pangarap ko na sana magkaroon ako ng boyfriend na kagaya ni KJ, o kaya si KJ na lang mismo. Lihim akong napangiti sa aking isipan. Naglalakad na ako papunta sa aking mesa nang mapansin kong nakatingin sa akin ang ilang empleyado partikular na si Kesha. Sumenyas siya sa akin nang pabulong pero dahil hindi ko maintindihan ay lumapit ako sa kanya.
“Bakit?” pabulong na tanong ko.
“Naku, kanina ka pa hinahanap ni Sir. Mukhang mainit na naman ang ulo. Teka, bakit nga ba ang tagal mo? Saan ka ba nag-lunch?” sabi niyang medyo pabulong. Bigla a
