Audrey
GALING ako sa cafeteria dahil nagpabili ng meryenda sina Liam at ang girlfriend nito. Mula kasi noong birthday party ni Liam ay madalas nang pumupunta ang girlfriend niya. Nang bumukas ang elevator ay napatingin ako sa dalawang lalaki na nasa harapan ko, si Mr. Almeda at KJ. Tila naghihintay rin ang mga ito ng masasakyang elevator pababa.
“Uh, sa’n ka galing, Audrey?” awtomatikong napangiti sa akin si KJ. Bahagya akong yumuko sa dalawang boss ko.
“Sa cafeteria po, Sir, may pinabili kasi si Sir Liam.” Kumunot ang noo niya.
“Pinabili? Hindi mo na trabaho iyan, ah,” sabi niya.
“Ay, okay lang naman po, Sir, wala naman pong problema.” Nakatingin lang sa akin si Mr. Almeda na walang kare-reaksiyon ang mukha nito.
“Sige, po, maiwan ko na po kayo.”
“Audrey,” tawag sa’kin ni Mr. Almed
