Liam
MASAYANG-MASAYA ako dahil sa wakas ay sinagot na ako ni Audrey. Hindi dahil sa nanalo ako sa aming pustahan ng mga kaibigan ko kundi dahil kakaibang saya ang naidulot sa akin ng pagsagot ni Audrey. Gusto ko na sanang umatras noon sa napag-usapan namin ng mga kaibigan ko pero hindi sila pumayag. Ayoko namang mawalan ng mga kaibigan dahil sa kanila lang ako nakararamdam ng saya. Sa bahay kasi ay halos hindi naman kami nag-uusap-usap. Palaging abala sina Daddy at Mommy sa kani-kanilang trabaho. Mukha lang kaming masayang pamilya sa harap ng maraming tao pero ang totoo ay hindi. Madalas hindi nagkakasundo ang mga magulang ko sa mga bagay-bagay. Hindi ko nga alam kung may pagmamahalan pa bang namamagitan sa kanilang dalawa o wala na.
Pinilit ko ang barkada na sumali kami sa basketball,
