Audrey
PAPUNTA ako sa sapa dahil maglalaba muna ako bago lumuwas ng bayan. Kailangan ko itong matapos bago magtanghali dahil may gagawin pa kaming project nina Mimi at Chona. Nagalit pa nga sa amin si Liam dahil hindi raw namin siya isinama sa grupo. Apat ang maximum ng bawat grupo, kung tutuusin ay kulang pa kami ng isa pero hindi na namin siya isinali. Kaya doon siya napunta sa dalawang kaklase namin na kulang din ng miyembro. Sayang nga dahil ngayon ko lang napag-isip-isip na malaki sana ang maitutulong niya sa grupo kung sa amin siya napunta.
“Audrey!”
“Ay, kabayo ka!” napahawak ako sa aking dibdib nang biglang lingunin ko kung sino ang nasa likuran ko.
“Liam!”
“May kabayo bang ganito kaguwapo?” nakangising sabi niya.
“T-teka, ano’ng ginagawa mo rito?” Napakunot ang noo ko habang
