Dax’s POV
Kakatapos lang namin mag-lunch. Sobrang sarap ng pagkaing in-order sa labas ni Juniper. Mukhang nasasanay na rin ako sa mga pagkaing hindi pamilyar sa akin.
“Sandali lang. Bago tayo umalis ay igagayak ko lang ang damit at mga gamit ko,” paalam ni Juniper kay Christine.
“Go, girl, wait kita dito sa sala,” sagot nito.
Umakyat sa itaas si Juniper kaya sinundan ko agad siya.
Bahala na. Siguro ito na lang ang tanging paraan para mawala na nang tuluyan ang feelings niya kay Dudes.
Pagpasok ko sa kuwarto namin ay naabutan kong nakaharap siya sa nakabukas na aparador. Lumingon siya sa akin nang marinig niyang sinara ko ang pinto ng kuwarto. Ni-lock ko rin ‘yun para tuloy-tuloy na ang plano ko.
“Yes?” tanong niya habang nakataas ang dalawang kilay.
“Juniper?” tawag ko sa kaniya
