Juniper’s POV
Napilit na nga akong matulog ni Dax dito sa villa niya. Narito na kami ngayon sa dining area habang kumakain ng dinner. Aapat lang kami rito nila Pojo, Hernan at Dax, pero sobrang dami ng pagkain. Akala mo ay may malaking okasyon ngayong gabi. Kahit si Pojo ay gulat na gulat sa pinahandang pagkain ni Dax.
Pakiramdam ko ay bumabawi si Dax. Ang mga pinahanda niya kasing mga pagkain ay ‘yung mga pagkain naman na hango sa ibang bansa. ‘Yung mga pagkain na alam niyang hindi ko pa natitikman. Ang ilan kasi sa mga putahe na narito ay siya ang nagluto, habang ang iba naman ay ang mga private chef niya na dito nakatira sa village niya.
Ang sarap niyang magluto ng mga kakaibang putahe. Gulat na gulat tuloy ako na piniritong itlog lang noon ay hirap na hirap siya. Samantalang itong
