Juniper’s POV
Mag-isa na lang ako sa kama ni Dax nang magising ako ngayong umaga. Napangiti ako dahil tama nga si Dax. Ang sarap matulog dito. Hindi ka magigising at hindi rin mauuntol ang tulog mo sa kahit na anong ingay. Sobrang tahimik kasi.
Bigla ko namang naalala ‘yung naalimpungatan ako kaninang madaling-araw. Nagising ako dahil gumalaw si Dax. Akala ko gising siya, pero hindi. Pagdilat ng mata ko kanina ay yakap-yakap pa rin niya ako. Mahigpit, ‘yung para bang ayaw niya akong pakawalan. Hindi na kailanga ng kumot dahil sa yakap pa lang niya ay sobrang init na. Saglit ko siyang tinitigan habang nakangiti, pero dahil inaantok pa ako ay muli akong nakatulog.
Bumangon na ako. Pero dahil gusto kong magpakitang gilas sa kaniya ay bago ako lumabas sa silid-tulugan niya ay inayos ko mun
