Namangha ako habang inilibot ang paningin sa mga nagkakasayahan nang tuluyan kaming nakalipat nina Kiro at Kenzo sa sinasakyan ni Ma'am Joy at tatay nito.
Mas malaki ito kaysa sa Mi Amour ni Kenzo pero mas maganda naman iyong huli at halatang mas yayamanin.
Sa lagi kong pagsama-sama sa dalawa kong amo ay kaya ko nang hulaan kung alin ang mga yayamaning bagay at iyong mga bagay na slayt yayamanin lang.
"Welcome to my post-birthday celebration!" masayang salubong sa'min ng tatay ni Ma'am Joy. Sa malapitan ay para pala siyang si Sta. Claus na medyo maliit kaya ang cute parang iyong mga tinatawag na minyons ni Julianne. Magkasing-laki ang tiyan nila ni Sta. Claus at magkasing masiyahin din sila. Saan kaya nagmana si Ma'am Joy na bibihira lang ngumiti at nakaserba lang iyon kina Kiro at Kenz
