"Tatay Berting!!! Nanay Merna!!! Mga kapatid ko!!"
Nagtatakbo ako papasok sa bakuran naming walang bakod pagkababa na pagkababa ko ng sasakyan.
Nakadipa pa talaga ang dalawa kong mga braso upang paghandaan ang sasalubong na yakap ng mga nag-aabang sa pagdating ko.
Grabe, gusto kong maiyak lalo na at patakbo ring sumalubong sa'kin ang buo kong pamilya, sabay-sabay pa talaga sila at nag-unahan sa paglabas sa maliit naming pintuan.
Napapanood ko lang dati ang ganito sa teleserye, reunion ng magkapamilyang matalagal na nawalay sa isa't isa.
Pero nabitin iyong papatulong mga luha ko at bumalik sa pinanggalingan nila nang nilagpasan lang ako ng mga inaasahan kong yayakap sa'kin.
Parang kandila akong natulos sa gitna ng bakuran namin at nakalahad pa rin iyong mga braso samantalang iyong
