Pagkasampa namin sa yate ni Kenzo ay may iba't-ibang klase ng mga pagkaing naghihintay sa amin sa mesang nasa tinatawag na sundeck. Ang sarap pala kumain doon dahil ang presko ng hangin at sarap ng view.
Para lang kaming nasa bahay dahil kumpleto ang yate, may sarili kaming silid na may malaking kama at sariling CR tapos may tinatawag pang jacuzzi na minsan ko nang narinig na meron din daw sa bahay nina Mommy Kofie.
Ang talagang pinakanakakamangha ay ang maliit na swimming pool sa sundeck! Grabe lang, pwede palang may swimming pool iyong mga yate? Tapos kapag maliligo ka sa swimming pool ay para ka na ring nasa dagat dahil salamin iyong gilid nito at sahig kaya kita iyong dagat at mga isdang lumalangoy-langoy.
Ang ganda lang talaga! Kung gusto mong maligo sa dagat ay may ibababa lang n
