"Buwisit!"
Ramdam ko ang pagkulo ng dugo ko nang makalabas ako sa taxi. Gusto ko na lang magwala at kung hindi lang ako mapapasama ay gusto ko sanang manakal ng kahit sino.
Masama pa rin ang pagkakatingin ko nang sulyapan ko ang direksyon ng Pub 69, ang bar na napagkasunduan namin nina Gabriella at Letti.
Tiningnan ko ang relo, hindi pa naman ako late sa oras na napag-usapan namin pero may kutob akong kanina pa sa loob si Gabriella at baka nga ay lasing na ang lokaret na iyon.
Lahat yata kami ay busy na kaya nakakapag-chat na lang kami, minsan ay hindi na rin namin matawagan ang isa't-isa para kumustahin. Ni hindi namin makumusta kung ano na ang mga bago sa buhay namin.
Well, kahit paano ay updated naman kami sa nangyayari sa buhay naming tatlo maging sa iba pa naming mga lalaking kai
