Hindi yata napansin ni Letti ang ginawa ko roon sa lalaking sana ay lalapit sa table ni Gab. Mas naka-focus s'ya sa pagtakbo para mauna kay Gabriella.
"Nauna ako!" Letticia giggled. Naupo s'ya sa tapat ni Gabriella.
Napatingin ako sa isang bote ng alak na nasa lamesa at sa basong nandoon. Tama nga talaga kami, mabuti na lang talaga at mukhang hindi naman s'ya ganoon kalasing. Ang inaasahan ko nga ay makikita ko s'yang lango na talaga sa alak.
Naupo ako sa tabi ni Gab samantalang tumawag na ng waiter si Letti at nagsimulang mag-order ng mga alak. Hindi ko na lang pinansin na puro alak talaga ang mga in-order n’ya, dalawang bote pa nga iyong alak na in-order n’ya na tanging iniinom n’ya. Well, iniinom n’ya lang iyon kung stress s’ya o kung may magandang nangyayari sa kanya. Sa ngayon nga
