"That's Gian," komento ni Ric na para bang hindi ko kilala kung sino ang demonyong kapapasok pa lang sa restaurant.
Ric eyed me, nananantiya ang tinging ibinibigay n'ya sa akin.
Hindi ko muna s'ya pinansin, nanatili akong nakatingin sa lamesang inookupa ni Gian at noong kasama n'yang babae.
Hindi ko kilala kung sino 'yong kasama n'ya, hindi naman kasi pamilyar at hindi ko rin nakikitang nakakasama n'ya noon.
Bahagya akong natigilan sa naisip. Paano ko naman makikilala 'yong kasama n'ya kung hindi ko rin naman kilala 'yong mga taong nasa paligid ni Gian. Wala akong alam kung sino ang mga nakakasalamuha n'ya o may kaugnayan sa kanya— personal man o hindi.
Hindi ko alam kung sino ang mga nasa circle of friends n'ya o kung mayroon ba s'ya niyon.
Iilan lang ang alam kong nakakausap n'y
