Umismid ako at sinubukang ituon ang atensyon kay Ric. Masyado nga lang nakaka-distract iyong alam kong nandito rin lang si Gian sa restaurant na ito. Naroon lang s’ya sa kabilang parte, ilang lamesa ang layo mula sa amin. Hindi ko nga lang sigurado kung nakita n’ya kami, pero imposible namang hindi, hindi ba?
Ang direksyon ng lamesa namin ang unang makikita sa oras na pumasok sa restaurant na ito. Iilang lamesa lang din ang may laman at masyadong malawak ang retaurant para hindi mapansin ang mga taong narito. Isa pa, malinaw naman ang mga mata ni Gian kaya hindi talaga ako naniniwalang hindi n’ya kami nakita. Twenty-twenty ang eye vision ng taong iyon…
But… I never felt his stare, mula nang pumasok sila rito ng kasama n’ya.
Iyon kasi ang palatandaan ko para malaman na nasa aligid lang s
