"Base sa mga papeles na ito, hindi lang basta malaki ang lupain mo sa Rizal. Malawak ito, sobra. Tamang-tama para sa project na gusto mong simulan. Hindi rin magiging problema ang space."
Nanatili akong nakatingin kay Richie Ric. May kalahating oras na yata mula nang magkita kami rito sa restaurant na malapit sa building ng kanilang kompanya.
Tama ako nang sabihin ko kay Kian na hindi s'ya mahihirapang makakuha ng appointment kay Ric. Kahit pa nga puno pala ang schedule n'ya para sa linggong ito ay nagkaroon pa rin kami ng pagkakataon na makapag-usap.
Base sa sinabi noong secretary ni Ric, ito mismo ang nag-adjust sa kanyang schedule para maisingit ang appointment ko kahit na nga biglaan ito at mukhang wala sa lugar.
Hindi naman kasi related sa kahit na anong negosyo ng mga Ocampo ang
