"Sandali! Saan ka pupunta?" Kaagad na hinawakan ni Reymond ang braso ko.
Nanginginig na tumingin ako sa pinsan. "K-Kailangan kong makausap si Gian."
Nangyari na ang kinatatakutan ko. Nasangkot na s'ya sa akin at siguradong madudumihan na rin ang kanyang pangalan. Lalo na at hindi naman ganoon kalinis ang mundo ng showbusiness.
"Dito ka na lang muna," ani Reymond. "Ako na ang pupunta sa kanya para ibalita ang tungkol dito."
"Tama ang pinsan mo. Isa pa, kailangan kang kausapin ng lady boss natin. Hindi n'ya inaasahan ang ganitong article at hindi na natin ito magagawang pagtakpan. Mahihirapan tayong gawin iyon..."
Iniisang lagok ni Reymond ang lamang alak ng hawak na baso at kaagad na tumayo.
"Pupunta muna ako sa kabila. Huwag kang aalis dito, Sabina. Hindi mo alam kung gaano kadeterm
