Hindi pa man ako nakakalapit sa pinto ng opisina ni Gian ay kaagad nang bumukas iyon. Natigil ako sa paglalakad nang makitang nagmartsa palabas doon ang pinsan kong si Hasmine.
Sa sobrang dami kong iniisip ay nakalimutan ko na ang tungkol sa mukhang pagkakaroon ni Hasmine ng pagnanasa kay Gian.
Sinundan ko pa s'ya ng tingin at hindi rin nakaalpas sa akin kung paano n'ya hawakan iyong mga papel na dala n'ya. Lukot na lukot na iyon.
Mukha s'yang galit na galit.
Muling bumukas ang pinto at lumabas naman mula roon ang secretary ni Gian na si Rihan.
Nagkagulatan pa kaming dalawa.
"Anong nangyari?" takang tanong ko.
Kumakamot sa ulong sumulyap si Rihan sa nakasarang pinto. "Bad trip si Mr. Montemayor. Pinakansel n'ya ang lahat ng appointment n'ya para sa linggong ito. Ayaw din n'yang mak
