"Ang sakit pa rin ng ulo ko."
Binitawan ko ang ilang dokumentong binabasa at inilapag iyon sa lamesa.
Martes na ngayon, halos dalawang araw na ang lumipas mula nang mag-overnight kami kina Gabriella pero hanggang ngayon ay nararamdaman ko pa rin ang epekto ng alak na nainom ko.
Hindi na ako nagtataka dahil ang dami ko talagang ininom. At base sa kuwento ni Gabriella, sobra pa sa ininom ni Letticia ang mga alak na ininom ko.
Iniuwi ko pa raw kina Gab maging iyong alak na ibinigay sa kanya noong isang lalaki sa bar. Tinawanan ko na lang ang sinabi n'ya dahil natatandaan ko naman iyon, aware ako na hindi ko talaga binitiwan ang alak na iyon hangga't hindi ko nauubos na nangyari na nga.
Alam ko rin na mas nauna akong makatulog kaysa sa dalawang lokaret. Natatandaan ko na lumabas pa si Le
