"Ibig bang sabihin ay kailangan mong manatili pa riyan? Gaano katagal?"
Sandali akong napapikit nang marinig ang tanong na iyon ni Kian. Kanina ko pa s'ya kausap at kahit paano ay nabunutan ako ng tinik sa lalamunan dahil wala naman akong dapat na problemahin sa mga project na naiwan ko sa France.
Base sa mga naging paliwanag n'ya ay naaksyunan naman kaagad ng kompanya ang mga projects na napirmahan ko na ang kontrata.
Mayroong mga binayaran ngunit hindi naman nakaapekto iyon sa imahe ko dahil naintindihan naman ng mga brand at ng ibang kompanya ang naging sitwasyon ko.
At kahit na naging pasaway ako ay hindi naman ako pinabayaan ng kompanya dahil na rin sa laki ng perang naipasok ko sa kanila sa loob ng ilang taon kong pagiging modelo. Hanggang ngayon nga ay may pumapasok pa ring per
