"Dámn it... ang sakit ng ulo ko!" Sa halip na bumangon ay gumulong ako sa kama.
Hindi na ako nagtaka nang maramdamang ako na lang ang nandito sa kama. Siguradong kanina pa nakaalis si Gabriella dahil kung tama ang pagkakaalala ko sa naging kwentuhan namin kahapon, may appointment s'ya sa ex-boyfriend n'ya regarding sa isang project na ibinigay sa kanya ng kapatid ni Alfonso.
Nang kaagad na sumilip sa imagination ko ang supladong imahe ni Ric ay kaagad akong napabalikwas.
Hindi ko nga lang napansin na nasa pinakagilid na ako ng kama kaya napadiretso ako sa malamig na sahig.
"Aw!" reklamo ko habang hawak ang pang-upo. Iyon kasi ang sumalo sa bigat ko.
Kaagad akong tumayo at tiningnan ang paligid. Malinis ang silid ni Letti at ang tanging magulo lang ay ang kamang hinihigaan ko. Wala na
