CHAPTER 12
CALL ME, KUYA!
Dinala agad namin si papa sa pinakamalapit na pampublikong ospital dito sa baryo. Nasa emergency room pa ito at hanggang ngayon hindi pa nakalabas ang doctor na nag-asikaso galing ng E.R.
“Paano po nangyari mama, malakas pa po siya bago ako umalis ng bahay kanina, di po ba? Anong nangyari po?” tanong ko kay mama na ngayon nakaupo sa bleacher at nakayuko. Mugto ang mga mata sa kakaiyak simula pa kanina.
Umupo na rin ako dahil nangalay na ang paa ko sa kakalakad pabalik-balik.
“Hindi ko alam kung ano ang nangyari anak, basta ang narinig ko lamang na nawawala ka raw dahil noong tinawagan ka ni papa mo sa isang cellphone ay iba ang nakasagot at sinabi na snatcher sila kaya nasa kanila ang cellphone mo. Kaya siguro sa sobrang pag-alala niya kaya siya inatake sa p
