CHAPTER 21
CALL ME, KUYA!
“Anak, makisuyo sana ako sa'yo."
“Ano po iyan mama?" Tanong ko habang naghahanda na para sa pag-alis ko papuntang opisina.
Naglagay ako ng makeup sa mukha na tinawag ako ni mama. Lipstick lang naman at konting powder sa mukha para hindi naman ako mukhang losyang kahit tagalinis lang ako ng building, ano.
“Itong balut, may maaga tayong order, katapat lang ng building na pinagtatrabahuhan mo ang bumili anak, ayon sa address na sinabi.” wika ni mama.
Bitbit ang bag ay lumabas na ako ng kwarto ko at naabutan si mama na inaasikaso ang dadalhin ko na balut.
At si papa naman ay nasa tindahan namin dahil may bumili.
“Ang aga naman ng balut nila mama, mabuti at meron pa tayo."
“Ay oo nga anak eh, may party daw sa kanila mamaya kaya nag-order ng balut. Hindi ko n
