Ramdam ko ang bawat masamang titig ni Gray Price sa akin habang naghahanda kami sa loob ng kwarto at pinipigilan ko naman ang sarili kong matawa. Sa tuwing maaalala ko ang pangyayari kagabi ay hindi ko maiwasang mapangiting parang tanga.
Kasalanan naman niya iyon kaya bagay lang sa kaniyang ginantihan ko siya.
Isa pa, hindi ko hahayaang sirain niya ang araw ko dahil ngayon pa lang excited na ako para sa mga pupuntahan namin. Isa na marahil sa mga dahilan kung bakit ako pumayag na sumama dahil sa lugar. I love history and Laguna has lots of it. Sisiguruhin kong mapupuno ang sketchbook ko pag-uwi namin sa Manila.
Inalis ko ang mga hindi ko kakailanganing gamit sa bag ko at tinira lang ang mga kailangan. Isang piraso ng pamalit kung sakali, pouch para sa first-aid kit at gamut ko para s
