Lumingon ako sa paligid at umaasang may ibang tao para humingi ng tulong pero wala akong nakita kaya naman naghanap ako ng posibleng daanan pababa. Bahagyang matarik ang babaan ngunit may makakapitan naman kaya hindi naging mahirap ang pagbaba ko. Kaagad ko siyang hinanap sa tubig ngunit hindi ko siya makita kaya naman pikit-mata akong tumalon sa tubig para hanapin siya.
Dahil may kalabuan ang tubig ay nahirapan akong makita siya. Umahon ako at lumingon sa pag-asang baka umahon na siya pero wala pa rin. "Gray!" sigaw ko sa tubig habang pilit siyang inaaninaw. "Gray Price!"
Nang wala pa ring sumagot ay napahampas ako sa tubig at muli sanang sisisid nang umahon siyang parang walang nangyari at sumigaw pa.
"Woah, that was so cool! Ang tagal ko na rin iyong hindi nagawa. I missed the fee
