ITINAGO na ni Tad ang kaniyang cellphone matapos niyang mai-send kay Shan ang message niya dito, hindi man ito nagreply sa kaniya alam niyang makikipagkita ito sa kaniya dahil sa kotse niya na nasa pangangalaga nito. Matapos nilang makuha ang babaeng Palerma at ang bantay nito ay si Tad nalang ang bumalik sa hotel upang mag check-out, nanatili nalang sina Paxton sa van na dala nila dahil hindi rin naman sila makakapasok sa hotel na bitbit ang dalawa dahil alam nilang matatanong pa sila.
Kahit pinagtitinginan siya ng mga tao sa hotel dahil sa suot at make-up sa mukha niya ay hindi na niya pinansin, wala na siyang time magpalit at mag-ayos kaya hindi na siya nag-iinarte lalo pa at kailangan na nilang makaalis sa Hawaii.
“Thank you for staying in our hotel.” Magalang na ani ng babaeng staff
