Iginugol ko ang buong atensyon ko sa trabaho. Bakit ba iniisip ko pa si Sir Hati? Huwag na nga! Nakakagulo lamang iyan sa trabaho at sa maayos kong kaisipan, eh.
Isang araw ay tahimik ang buhay ko. Abala rin kasi si Sir Hati dahil nga sa gagawing bar. Ako rin naman ay abala roon dahil inaayos ko ang schedule niya. Binabalak niya kasing pumunta sa site kung saan iyon itatayo para raw makita niya kung tama ang spot ng bar. Sa Tomas Morato lang naman iyon kaya’t hindi kalayuan dito sa opisina. Ganoon pa man, marami kasi siyang meeting kaya’t dapat hindi masagasaan ang mga iyon.
Abalang-abala ako na hindi ko na naman napapansin ang oras. Wala kasi akong panahong tingnan pa ang orasan.
Naramdaman ko na may nakatayo sa may pintuan ng opisina kaya’t tiningnan ko iyon at napatalon ako sa aking
